ទស្សនវិស័យលោហៈធាតុមានតម្លៃនៅក្នុងឆ្នាំ 2024៖ ការព្យាករណ៍អំពី ប្លាទីន ប៉ាឡាដ្យូម និងរ៉ូដ្យូម
POSTED BY PATY MAK
ដោយសារតែយើងខិតចូលដល់នាំ 2024 ចូរយើងស្វែងយល់ពីទិដ្ឋភាពនៃទីផ្សារ Platinum Group Metals (PGM) សម្រាប់ឆ្នាំខាងមុខនេះ ដោយផ្អែកលើការវិភាគលម្អិតពីការព្យាករណ៍របស់ Heraeus Precious 2024។ នៅក្នុងទិដ្ឋភាពទូទៅដ៏ទូលំទូលាយនេះ យើងបានគូសបញ្ជាក់ពីចំណុចសំខាន់ៗនៃការព្យាករណ៍សម្រាប់ប្លាទីន ប៉ាឡាដ្យូម និង រ៉ុដ្យូម ជាមួយនឹងការព្យាករណ៍តម្លៃរៀងៗខ្លួន និងសក្ដានុពលនៃឧស្សាហកម្ម (ការផ្គត់ផ្គង់ និងតម្រូវការ) ផ្តល់នូវការយល់ដឹងដ៏មានតម្លៃចំពោះបញ្ហាប្រឈម និងឱកាសដែលនៅខាងមុខ។
ប្លាទីន
ប្លាទីនត្រូវបានគេរំពឹងថានឹងរក្សាឱនភាពនៅឆ្នាំ 2024 ដោយព្យាករណ៍ថាឱនភាព 445 koz (គីឡូអោន) ជាមួយនឹងកំណើនដ៏រឹងមាំនៃតម្រូវការពិភពលោកឈានដល់ 7.5 moz (លានអោន) ដោយផ្អែកលើការព្យាករណ៍របស់ Heraeus Precious 2024។ ពួកគេក៏ព្យាករណ៍ថាការផ្គត់ផ្គង់ប្លាទីនសកល នឹងថយចុះបន្តិចមកត្រឹម 5.6 moz ក្នុងឆ្នាំ 2024។ ផលិតកម្មនៅអាហ្រ្វិកខាងត្បូងអាចកើនឡើងដោយសារតែការផ្គត់ផ្គង់ថាមពលប្រសើរឡើង ប៉ុន្តែបញ្ហាប្រឈម នៅតែមាន៖ រួមមានទាំងការធ្លាក់ចុះតម្លៃ PGM ការបិទអណ្តូងរ៉ែដែលមានសក្តានុពល និងការកាត់បន្ថយទិន្នផល។ ការផ្គត់ផ្គង់ប្លាទីនបន្ទាប់បន្សំពី ការកែច្នៃឡើងវិញនៃសំបុកស៊ីម៊ាំង ត្រូវបានគេព្យាករណ៍ថានឹងនៅតែខ្សោយ ជាមួយនឹងការកែច្នៃឡើងវិញមានកម្រិត ដោយសារតម្លៃរថយន្តថ្មីមានតម្លៃខ្ពស់ និងការខ្វះខាតបន្ទះឈីប semiconductor ដែលប៉ះពាល់ដល់ភាពអាចរកបាននៃវត្ថុធាតុដើម។
តម្រូវការប្លាទីនសម្រាប់សំបុកស៊ីម៊ាំង ត្រូវបានគេប៉ាន់ប្រមាណថានៅតែមានស្ថិរភាពនៅ 3.5 moz ជាមួយនឹងកំណើន 1% ពីមួយឆ្នាំទៅមួយឆ្នាំ ខណៈដែលតម្រូវការឧស្សាហកម្មត្រូវបានគេរំពឹងថានឹងនៅតែមានស្ថិរភាពនៅ 2.3 moz ដោយទូរទាត់បញ្ហាប្រឈមនៅក្នុងវិស័យកញ្ចក់ជាមួយនឹងការកើនឡើងនៃតម្រូវការសម្រាប់ការប្រើប្រាស់តាលីករប្រេង និងអគ្គិសនី។
ប្លាទីនត្រូវបានព្យាករណ៍ថានឹងស្ថិតក្នុងតម្លៃជួញដូររវាងចន្លោះ $800/oz ទៅ $1,100/oz ក្នុងឆ្នាំ 2024 ដែលរងឥទ្ធិពលដោយឱនភាពទីផ្សារ ភាពទន់ខ្សោយម៉ាក្រូសេដ្ឋកិច្ច និងផលប៉ះពាល់សក្តានុពលនៃការបិទអណ្តូងរ៉ែ ជាមួយនឹងការធ្លាក់ចុះនៃតម្លៃប្រាក់ Rand របស់អាហ្វ្រិកខាងត្បូងផ្តល់នូវការគាំទ្រតម្លៃមានកំណត់
ប៉ាឡាដ្យូម
របាយការណ៍ Heraeus Precious Forecast 2024 រំពឹងថាទីផ្សារ ប៉ាឡាដ្យូម នឹងមានឱនភាពគួរឱ្យកត់សម្គាល់នៅឆ្នាំ 2024 ដែលត្រូវបានជំរុញដោយការផ្គត់ផ្គង់បន្ទាប់បន្សំ បន្ទាប់ពីការកែច្នៃឡើងវិញ ការផ្គត់ផ្គង់បឋមដែលប្រសើរឡើងនៅអាហ្វ្រិកខាងត្បូង និងអាមេរិកខាងជើង និងការធ្លាក់ចុះនៃតម្រូវការដោយសារតែមានការជំនួសលោហៈប្លាទីន និងកំណើនមានកម្រិតនៅក្នុងផ្នែកខាងក្នុងនៃការផលិតរថយន្តធុនស្រាល (ICE) ម៉ាស៊ីនចំហេះ។ ហានិភ័យនៃការផ្គត់ផ្គង់រួមមាន ការកាត់បន្ថយផលិតកម្មដែលមានសក្តានុពលនៅអាហ្រ្វិកខាងត្បូង និងអាមេរិកខាងជើង ដោយសារតម្លៃទាបប៉ះពាល់ដល់ប្រាក់ចំណូល។ ការផ្គត់ផ្គង់បន្ទាប់បន្សំអាចនឹងនៅមានកម្រិតទាបដោយសារកង្វះខាតបន្ទះឈីប semiconductor ដែលមានឥទ្ធិពលលើការផលិតរថយន្តថ្មី និងការពន្យារពេលក្នុងការកែច្នៃសំបុកស៊ីម៊ាំងនៅក្នុងប្រទេសចិន។
តម្រូវការ ប៉ាឡាដ្យូម ពីវិស័យរថយន្តត្រូវបានព្យាករណ៍ថានឹងធ្លាក់ចុះ 3% មកនៅក្រោម 8 moz ក្នុងឆ្នាំ 2024 ដែលត្រូវបានជះឥទ្ធិពលដោយការថយចុះនៃ កំណើនផលិតកម្មរថយន្តធុនស្រាល ចំណែកទីផ្សារនៃរថយន្តអគ្គិសនី Battery Electric Vechilces (BEVs) និងការប្រើប្រាស់ប្លាទីនកាន់តែទូលំទូលាយនៅក្នុងសំបុកស៊ីម៊ាំងម៉ាស៊ីនសាំង។ តម្រូវការក្នុងឧស្សាហកម្មលើ ប៉ាឡាដ្យូម ត្រូវបានគេរំពឹងថានឹងថយចុះដោយសារតែ កិច្ចខិតខំប្រឹងប្រែងកាត់បន្ថយការចំណាយ នាំទៅរកការសន្សំសំចៃអគ្គិសនី និងតម្រូវការនៅក្នុងផ្នែកទន្តសាស្ត្រ ក្រោយមកទៀតមានការធ្លាក់ចុះផងដែរ ដោយសារតែមានវត្ថុធាតុដើមដទៃមកជំនួស។
តម្លៃជូញដូររបស់ ប៉ាឡាដ្យូម ត្រូវបានគេរំពឹងថានឹងស្ថិតក្នុងចន្លោះ $700/oz ទៅ $1,200/oz ក្នុងឆ្នាំ 2024 ជាមួយនឹងតម្លៃដែលអាចធ្លាក់ចុះបន្ថែមទៀតនៅពេលដែលទីផ្សារត្រឡប់ទៅកម្រិតធម្មតាជាប្រវត្តិសាស្ត្រ ទោះបីជាមានឱនភាពរំពឹងទុក ដូចដែលបានរាយការណ៍ដោយ Heraeus ក៏ដោយ។
រ៉ូដ្យូម
ទីផ្សារ រ៉ូដ្យូម ត្រូវបានគេព្យាករណ៍ថានឹងមានឱនភាពតិចតួចនៅឆ្នាំ 2024 ជាមួយនឹងការធ្លាក់ចុះតិចតួចនៃការផ្គត់ផ្គង់បឋម និងការធ្លាក់ចុះតិចតួចនៃតម្រូវការ។ ការព្យាករណ៍របស់ Heraeus Precious 2024 ពន្យល់ថាការផ្គត់ផ្គង់ រ៉ូដ្យូម បឋមត្រូវបានគេរំពឹងថានឹងធ្លាក់ចុះបន្តិច ជាចម្បងនៅអាហ្រ្វិកខាងត្បូង ជាមួយនឹងហានិភ័យដែលអាចកើតមានពីការដាច់ចរន្តអគ្គិសនី និងការកាត់បន្ថយផលិតកម្មដោយសារតែការធ្លាក់ចុះតម្លៃ PGM ។ ការផ្គត់ផ្គង់បន្ទាប់បន្សំអាចបន្តចុះខ្សោយ ជាមួយនឹងការកើនឡើងនៃតម្លៃរថយន្តជជុះ និងលទ្ធភាពនៃភាពជាម្ចាស់យានយន្តដែលអូសបន្លាយ រួមជាមួយនឹងការថយចុះអត្រាការចោលសំរាមដែលមានសក្តានុពលក្នុងអំឡុងពេលមានវិបត្តិសេដ្ឋកិច្ច។
តម្រូវការរថយន្ត រ៉ូដ្យូម ត្រូវបានគេព្យាករណ៍ថានឹងធ្លាក់ចុះ 5% ទៅ 955 koz ក្នុងឆ្នាំ 2024 ដែលត្រូវបានជះឥទ្ធិពលដោយរថយន្តអគ្គិសនី BEV និងការសន្សំសំចៃ។ តម្រូវការឧស្សាហកម្មត្រូវបានគេព្យាករណ៍ថានឹងកើនឡើងបន្តិច ជាពិសេសនៅក្នុងវិស័យផ្សេងទៀតក្រៅពីសំបុកស៊ីម៊ាំង។
Heraeus ប៉ាន់ប្រមាណថា រ៉ូដ្យូម នឹងស្ថិតក្នុងតម្លៃជួញដូរចន្លោះពី $3,500/oz ទៅ $6,500/oz ក្នុងឆ្នាំ 2024 ដែលឆ្លុះបញ្ចាំងពីទីផ្សារធម្មតាជាងមុន។ តម្រូវការសុទ្ធដែលខ្សោយជាងមុនអាចដាក់សម្ពាធលើតម្លៃ ប៉ុន្តែហានិភ័យនៃការថយចុះការផ្គត់ផ្គង់ពីការបិទអណ្តូងរ៉ែនៅអាហ្វ្រិកខាងត្បូងផ្តល់នូវសក្តានុពលកើនឡើង។
សំណួរគេសួរញឹកញាប់
តើអ្វីជាការព្យាករណ៍សម្រាប់ផ្លាទីននៅឆ្នាំ 2024 ហើយតើអ្នកកែច្នៃអាចប្រឈមមុខនឹងបញ្ហាអ្វីខ្លះ?
តើកត្តាសំខាន់ៗអ្វីខ្លះដែលជះឥទ្ធិពលលើទីផ្សារ ប៉ាឡាដ្យូម ក្នុងឆ្នាំ 2024 ហើយតើអាចប៉ះពាល់ដល់ប្រតិបត្តិការកែច្នៃឡើងវិញយ៉ាងដូចម្តេច?
តើរ៉ូដ្យូមត្រូវបានគេព្យាករណ៍ថានឹងដំណើរការនៅឆ្នាំ 2024 ដោយរបៀបណា ហើយតើអ្នកកែច្នៃគួរយកចិត្តទុកដាក់បែបណា?
តើតម្លៃដែលបានព្យាករណ៍ទុកសម្រាប់ប្លាទីន ប៉ាឡាដ្យូម និងរ៉ូដ្យូមនៅឆ្នាំ 2024 គឺជាអ្វី ហើយតើនេះអាចប៉ះពាល់ដល់ប្រាក់ចំណេញនៃការកែច្នៃឡើងវិញយ៉ាងដូចម្តេច?
អ្នកដែលពាក់ព័ន្ធក្នុងការកែច្នៃសំបុកស៊ីម៊ាំងគួរតែតាមដានយ៉ាងដិតដល់នូវការព្យាករណ៍ក្នុងឆ្នាំ 2024 ទាំងនេះ ដោយពិចារណាលើផលប៉ះពាល់ដែលអាចកើតមានលើតម្លៃលោហៈធាតុមានតម្លៃ និងសក្ដានុពលទីផ្សារ។ ការសម្រេចចិត្តជាយុទ្ធសាស្ត្រដែលស្របតាមនិន្នាការដែលបានរំពឹងទុកចំពោះ ប្លាទីន ប៉ាឡាដ្យូម និងរ៉ូដ្យូម អាចជួយក្នុងការរុករកបញ្ហាប្រឈម និងទាញយកប្រយោជន៍ពីឱកាសនៅក្នុងទិដ្ឋភាព PGM ដែលកំពុងវិវត្ត។
